見3耳小姐耐不耐同大家介紹養生飲食, 等我又黎介紹o下近期既至愛.....雪耳杏仁茶.
中醫認為肺主皮毛，杏仁有止咳潤肺的功能，也有潤擇肌膚的效果。西醫研究也發現，杏仁含維他命Ｅ，可增加皮膚彈性。
雪耳潤肺，同時又滋陰養胃，益氣，肺氣虛和肺陰虛引致慢性咳嗽的人也非常適合。
以前我一d都唔鍾意杏仁, 近一兩年口味轉變, 果然覺得杏仁茶好香, 不過街上買既唔係太甜, 就是無杏仁味, 所以....自由又要出手自家製作 (呢d算唔算辛苦命?)
以下的份量可製作1,300毫升
材料: 大龍杏4兩、南北杏1兩 、雪耳一個、冰糖或用糖冬瓜適量 (我就用糖冬瓜)
製法:
1. 大龍杏及南北杏用清水浸4小時, 之後隔水, 另雪耳用清水浸發;
2. 大龍杏及南北杏放入攪拌機加清水打碎; 再用豆漿袋隔渣, 搾出杏汁, 再把杏仁渣倒進攪拌機中加水1杯用高速打，同樣搾出杏汁;
3. 把搾出的杏汁及糖冬瓜放進煲內煮滾, 再加入已浸發雪耳, 煲20分鐘後熄火即成. (如果落冰糖, 要煲好最後先加)
註:
1. 大龍杏同南北杏最好去有信譽店舖買(e.g. 裕華) , 因1我試過貪方便在就近藥才舖買, 領左野, side 晒.
2. 記住磨完既杏仁渣, 千祈不要棄丟, 用黎沖涼磨身一流 (我連臉/頭髮都用, 之後敷在臉上, 隔一陣先沖), 試過你就知有幾正. 其餘的杏仁渣放在雪櫃, 可以keep 一星期)
3. 如果無時間"睇火" , 可以用豆漿機替代. (我都係用豆漿機煲)
