人蠢無藥醫

之前我成日講既天王, 尋日又發生左件事. 天王出site 後返黎, 亞sir 問佢野, 突然亞sir 大嗌 :「你知唔知你o係邊間公司做? 出邊度糧??」全場即刻靜晒.......
呢刻大家好齊心咁樹起隻耳聽.......
根據上文下意, 我估應該係關收管理費事, A/C Dept. 推莊, 要我做既Dept. 出信通知番 A/C Dept.

又係低能喎...內部 dept. 通知都出memo呀, 出信.. 貼埋郵票寄好唔好??

其實亞sir真係好好脾氣, 不過佢有怨無路訴, 因為呢件極品係亞sir 親細佬個fd, 當初係撬佢返黎, 而家炒又唔炒得, 佢直情啖血由肺湧上黎再"good"番落去.

呢排5號仍又唔生性, 亞sir已經o鞋o鞋聲, 仲成鬼日激佢, 真係.....唉~

p.s. 天王黎左10個月, 5月就夠一年.

其實我post 出黎, 唔係想取笑佢, 只係而家d人既工作態度真係好有問題. 返左工10個月, 都無認真用個腦黎返工. 混混沌沌, 古惑又懶, 仲要擺款瀉博, 呢d咁既工作態度, 遲早俾人out呀!!